Ginpaidaeom eon it Palasyo it Malacañang ro an-um nga buean nga suspensiyon sa mga opisyal it Anti-Red Tape Authority (ARTA) kasunod it direktiba it Office of the Ombudsman.
Sa sangka memorandum nga may petsang June 7 nga ginpirmahan ni Secretary Salvador Medialdea, ginmaduan kara si Deputy Director-General for Administration and Finance of ARTA, Undersecretary Carlos Quita para sa pagserbi it kopya it preventive suspensyon order it Ombudsman kay ARTA Director-General Jeremiah Belgica, Deputy Director-Deneral Eduardo Bringas, Division chief Sheryl Pura-Sumagui, Directors Jedrek Ng ag Melamy Salvadora-Asperin.
Ginklaro man it Ombudsman sa direktiba kara nga bukon it punishment ro suspension order sa mga ARTA officials kundi para masecure ro mga dokumento ag matapna ro posibilidad it harassment sa mga testigo bangud posibleng makakompormiso ro kaso kontra kanda kung padayon ro mga raya sa andang mga posisiyon.
Nauna eon man kara ro pagpaguwa it complaint it DITO telecommunity kontra sa ARTA officials it pageabag sa Section 3 (e) of Republic Act No. 3019 ukon ro Anti-Graft and Corrupt Practices Act.
