Ginpahayag it Malacañang nga owa it rason agud nga magkabaeaka si Senador Pia Cayetano angot sa gina alegar nga pagsubaybay it National Bureau of Investigation (NBI) sa anang biyahe pabalik it Pilipinas halin sa Singapore.
Suno kay Palace Press Officer Claire Castro, ginpahayag mismo ni NBI Director Melvin Matibag nga owa gina-monitor it ahensya si Cayetano. Nag-agto sa Singapore sanday Pia ag Senador Alan Peter Cayetano umpisa Setyembre 9 hasta 12 para sa sangka pribadong biyahe.
Namitlang man ro pangaean ni Cayetano sa gina-alegar nga P1.5 bilyong budget insertion nga gina-angot sa anang igmanghud, nga ginasugid nga para sa mga proyekto sa Laguna Lake ag slope protection.
Ginpamilit man it Palasyo nga obligasyon it mga ahensya it gobyerno ag korte nga magpatigayon it imbestigasyon ag pagbista sa mga kasong sakop it andang mandato, anuman ro pulitikal nga kaangtanan it mga eakot.
