Umpisa Hunyo 6, adlaw it Huwebes hay uman nga ginbuksan sa mga motorista ro Paliwan Bridge nga nahamtang sa Laua-an, Antiaue.
Angot kara, ginkalipay it mga Antiqueño ro uman nga pagbukas it tulay.
Sangka programa ro ginpatigayon sa tulay nga gintambungan it mga taga Department of Public Works and Highways ukon DPWH nga ginpangunahan ni Asst. Regional Director Jose Al Fruto, mga lokal nga opisyal it banwa it Laua-an ag Bugasong ag Antique Congressman Antonio A. Legarda.
Suno kay Laua-an Municipal Mayor Aser Baladjay nga mabahoe ro andang pagpasaeamat bangud nga natapos eon ro andang pag-antus.
Nagsakripisyo sigon sanda umpisa nga mautod ro tulay ko nagtaliwan nga buean it Oktobre 2022 sa pagbuhos it mabaskog nga uean sa Bagyong Paeng.
Ro tulay hay may pondo nga P70 million apang natapos raya sa contract prize nga P66 million.
Nagapadayun mat’a ro construction it bag-o nga tulay sa kaiping it nautod nga tulay nga makaron hay haeos 70% ro completion ag ginaeauman nga matapos unang parte it 2025.
Ro Paliwan Bridge hay sambilog sa mga importanteng tulay sa probinsiya it Antique nga naga-konekta sa mga banwa it Bugasong ag Laua-an.
