Matsa field trip ro naging pamanaw it mga delegasyon it Pilipinas sa World Economic Forum sa Davos, Switzerland.
Raya hay kasunod it napabalitang kapin sa 70 ro delegasyon it nasyon kaibahan ro mga negosyante nga posibleng may pribadong panaw ukon may personal objective ag sinakyan eamang ro business trip ni Pangueong Ferdinand Marcos Jr.
Ginakabig ni Congresswoman France Castro it Alliance of Concern Teachers ukon ACT partylist nga lavish ag expensive ro business trip it pangueo bangud nga pati ro mga partners it mga opisyal hay nagsunod sa nasambit nga byahe nga uwa man suno kana it ikaambag sa presenteng sitwasyon it nasyon.
Ginpahayag dugang ni Castro nga dapat hay mga economic managers eamang ro kaibahan it pangueo bangud nga parte sa ekonomiya ro anang pagtambong sa nasambit nga kahiwatan ag bukon raya it leisure and recreation para gastusan it mabahoe nga kantidad it gobyerno.
Bukon suno kana it hangae ro gastos sa pagpanaw nanda sa Switzerland kon sa siin sanda ro may pinakamabahoe nga delegasyon kon ikumpara sa mga gamhanang nasyon nga may hasta sa napueo eamang nga representante.
