KALIBO, Aklan—Nakuhit it pambato it probinsya it Aklan ro korona bilang Miss Eco Teen Philippines 2022 sa ginpatigayon nga Miss World Philippines 2022 Coronation Night sa Mall of Asia Arena.
Si Francesca Beatriz McLelland, 19-anyos hay consistent Dean’s Lister college student sa De La Salle University, kon siin nagabueo it pre-med course bilang maging Psychiatrist sa pilang inadlaw.
Advocate man imaw it Cervical Cancer sa nasyon kaibahan ro CerviQ partner Organization agud nga mabuhinan ro sakit nga cervical cancer pinaagi man sa mass screening sa mga nanay ag mass vaccination sa mga pamatan-on.
Si Maclelland hay dati man nga titleholder it Miss Teen International Philippines 2019 kon siin ginrepresentar kara ro nasyon sa India ag nakuhit ro titueo nga Miss Teen Intercontinental 2020.
Nauna eon nga ginpabugae it probinsya it Aklan si Miss Kathleen Paton matapos nga makuhit ro korona bilang Miss Eco International 2021 sa Alexandria, Egypt.
