SHOWBIZ News —- Nangin mainit ro ginpatigayon nga 58th Grand Coronation night it Binibining Pilipinas 2022 kab-i sa Araneta Coliseum.
Kabilugan nga 40 tanan nga mga kandidata ro nagpasakop sa nasambit nga pageant.
Ginkoronahan bilang Bb. Pilipinas International 2022 si Nicole Borromeo it Cebu, Bb. Pilipinas Intercontinental 2022 Gabriellle Basiano it Borongan, Eastern Samar, Bb. Pilipinas Globe 2022 Chelsea Fernandez it Tacloban City, Bb. Pilipinas Grand International 2022 Roberta Angela Tamondong it San Pablo Laguna, ag 1st Runner Up si Nicole Borromeo it Cebu it Angono Rizal ag nabo-oe man ni Stacey Daniella Gabriel it Cainta Rizal ro 2nd Runner Up.
Nangin host it pageant sanday Miss Universe 2018 Catriona Gray, Miss Grand International 2016 first runner-up Nicole Cordoves, Miss Grand International 2020 1st Runner Up Samantha Bernardo, ag Pinoy Big Brother alumni nga si Edward Barber bilang mga Live Chat hosts.
Todo man ro nangin performance it mga musical guests nga sanday Maymay Entrata ag SB19, sambilog sa mga top P-Pop idols sa nasyon.
Sa pihak nga 1st runner Up eang ro nabo-oe ni Herlene, naghakot man imaw it 7 mga special awards kaeakip eon ro Manila Bulletin Reader’s Choice special award, Bb Shein, Bb. Pizza Hut, Bb. Kumu, Jag Queen, Bb. Silka, ag Bb. World Balance.
