KALIBO, Aklan—Ginatugyan eon lang it pamilya Agustino sa kapulisan ro pagresolba sa natabu nga shooting incident sa Brgy. Sugnod, Malinao.
Suno kay barangay captain Ruben Agustino nga owa imaw sa crime scene rason nga indi makatau it tul-id nga impormasyon sa matuod nga natabu sa tunga it anang manghod nga suspek nga si Romy Agustino ag biktimang si Judy Fernando.
Ginpahayag dugang nga may nagatindog man nga witness rason nga nagapati nga madasig nga magasueong ro kaso.
Pasado alas-10 suno kana kabi-i hay insigida imaw nga naalarma matapos nga makabati it daywang eupok it baril.
Ginkumpirma kara nga owa it parehong record sa barangay ro magtimbang nga parte.
Aminado man si kapitan nga owa sanda it pagka-ilintindihan it anang igmanghud.
Sa makaron hay nagapadayun ro imbestigasyon it kapulisan sa nasambit nga insidente.
