KALIBO, AKLAN — Emosyunal ro pamilya ni Arneline Escalona Bonifacio sa Makato, Aklan matapos rayang makaibahan sa 15 estudyanteng namatay sa makangieidlis na aksidente samtang naga padueong sa field trip sa Tanay, Rizal.
Suno kay barangay kagawad Beltran Torres, tiyu it biktima nga nakasakay eon sigon ro anang gumankon ag mga kaibahan kara sa ibang saeakyan apang, gin pasaylu sanda sa naaksidenteng bus.
Si Arneline sigon ro lider it andang grupo dahilan nga naka-pungko raya sa unang parte it saeakyan.
Nakaangkon raya it grabeng lastro sa anang ueo nga naging rason it anang pagkamatay.
Sa pihak nga parte, nagpanawagan ro pamilya it biktima sa ama karang si Arnel Bonifacio it Brgy. Aranas, Balete nga mag agto sa lamay it anang unga nga nakahaya sa Manila agud bisan sa ulihing kahigayunan hay mataw-an it katumanan ro gina handum it unga.
Bata pa sigon ro biktima hay handum eon kara nga makita ag makilaea ro anang ama matapos nga magbueag ro anang ginikanan.
