KALIBO, Aklan—Naging mas matimbang kay Aklan 2nd district congressman Teodorisco Haresco ro pamilya kaysa sa pulitika.
Raya hay matapos nga ginpahayag it kongresista nga mas ginpili nana nga balibaran ro mga indibidwal nga nagpaeapit kana agud nga bangga-on sanday Aklan governor Jose Enrique Miraflores ag Ibajay mayor Jose Miguel Miraflores.
Raya hay kabaliskaran sa naging pahayag it nagabalik sa pulitika nga si Aklan 2nd district congressional aspirant Florencio “Joeben” Miraflores sa ginpatigayon nga press conference it Tibyog Akean nga pilit nga gina-usuyan it kaengkwentru ni Haresco ro anang mga unga apang owa it sin-o man ro gustong magsukoe .
Ginpamilit pa kara nga owa imaw naila nga masamad ro andang pamilya bangud eamang sa pulitika.
Sa pihak nga parte, gin-insister ni haresco nga bumaha gid man ro mga infrastructure projects ag mga ayuda sa probinsiya it Aklan sa idaeum it anang termino .
Bilang ebidensiya, haeos uniform ro tanan nga design it mga multi-purpose building sa mga kabarangayan nga anang ginpa-obra bangud nga imaw mismo ro nagbayad sa architect para sa nasambit nga desinyo.
Naeakip man sigon sa anang congressional report to the people ro anang mga ginpa-obra nga Kalibo circumferential road, Tigayon bridge ag iba pa nga naging mapuslanon makaron.
Samtang ro pagpa-ayos sigon it mga national roads hay mabuhay eon nga nakabaehag sa mga plano it NEDA.
Sa makaron hay dapat suno kana nga matuutkan ro pagpa-obra it mga flood control projects kapareho it mga revetment wall.
Ginapasabat man nana sa provincial government ro gina-kwestiyon makaron nga naka-pending nga proyekto nga national highway sa Brgy. Dumga, Makato bangud sa gina alegar nga pag kontrol it baeas nga ginagamit.
