Ginklaro makaron it pamilya Masinda nga uwa na hit and run ro biktima nga si Alden Masinda, 41-anyos, temporaryong naga-istar sa Brgy. Navitas, Numancia kasunod it mga balitang nagguwa nga ginpaeagyuhan raya it driver it saeakyan nga nakasunggaban nanda sa may bahin it Jaime Cardinal Sin Avenue, Kalibo.
Suno sa anang asawa nga si Sultana Masinda, nakipag-angot kanda it personal ro driver halin kat natabo ro aksidente.
Uwa sigon sanda pagpabay-e kara ag sayod imaw nga uwa it presyo ro kabuhi it anang asawa apang aksidente ro natabo ag uwa it tawo nga gustong madisgrasya.
Gintinguhaan pa kunta nga masalbar ro kabuhi it anang asawa sa Aklan provincial hospital apang uwa eon raya narevive pa.
Madumduman nga base sa imbestigasyon it Kalibo PNP, halin sa direksyon it Mabilo ro biktima ag nagapauli eon sa Navitas kon siin pag-abot sa nasambitan nga lugar, gulpi sigon nga nagliko patuo ro Toyota Wigo nga saeakyan rason nga nasunggaban raya it motorsiklo nga ginamaneho it biktima angkas ro anang gumankon.
