KALIBO, Aklan—Owa pa it penal nga desisyon ro pamilya Mongaya kon makipag-areglo ukon magapasaka it kaso kontra sa suspek nga si Juvy Igma nga nagbaril sa anang mister nga si Reynante Mongaya.
Emosyunal nga ginsaysay ni Juliet Mongaya, misis it biktima nga malisod ro andang pagpangabuhi ag nabarilan pa ro anang asawa nga naka-apekto sa anang trabaho bilang sangka photographer.
Aminado man ro misis nga nakaangkon it owa pagka-ilintindihan ro anang asawa ag kaeapitbaeay rason nga owa eon ro mga raya haeos nagamueud-an.
Kabay suno kana nga maka-rekober ro anang asawa matapos nga ma-ICU sa naagum nga lastro sa anang tiyan.
Owa pa sigon nana nakita ro kahimtangan it mister bangud sa instrikto nga patakaran it ospital nga gindaehan kara.
