KALIBO, Aklan—Very proud ag indi matupungan nga kasadya ro nabatyagan it pamilya ni Kathleen Paton matapos imaw nga koronahan bilang 2022 Miss Eco International sa nasyon it Egypt.
Suno sa ina ni Kathleen nga si Luz Sinag Paton nga mixed feelings ro anang nabatyagan matapos mabatian ro pangaean it anang unga nga nagdaog sa kompetisyon.
Suno kana, apisar nga owa imaw sa euyo it anang unga hay adlaw-adlaw man kara nga ginapabatyag ro anang presensya ag pagsuporta.
Sa kamatuoran suno kana hay nagsubaybay imaw sa kabilugan it kompetisyon kung siin napasinggit pa sigon imaw sa sobrang kasadya.
Ginapahayag nga Nobyembre 2021 pa sanda ulihing nagkita ni Kathleen bangud sa masyadong masako kara nga schedule.
Si Kathleen ro ikaywang Pinay beauty nga nakaangkon it Miss Eco International kasunod ni Cynthia Thormalla ko 2018 kung siin ro nagapanguna sa anang adbokasiya ro pagpabaskog it mental health ag pag-alaga sa palibot.
