-- ADVERTISEMENT --
Nag-overshoot sa runway it Mactan Cebu International Airport (MCIA) ko Dominggo it gabi-i ro sangka pampasaherong eroplano halin sa Korea.
Suno sa Civil Aviation Authority of the Philippines (CAAP) nga halin sa Incheon Airport sa South Korea ro Korean Air KE 631 kat raya hay mag-overshoot sa runway it nasambit nga paeuparan.
Ro ginaturo nga rason kara hay ro bukon it manami nga panyempo antes maghugpa ro eroplano.
Temporaryong ginpundo ro tanan nga operations it MCIA samtang ro ibang flights hay nai-divert sa Davao ag ro iba hay nakansela ukon nadelayed.
Insigida man nga nagresponde ro Lapu-Lapu City Disaster Risk Reduction and Management Council ag padayun nga gina-imbestigahan ro insidente.
-- ADVERTISEMENT --
