Hugut nga ginabawae it Department of Education (DepEd) ro pamulitika sa graduation ag recognition rites it mga estudyante makaron nga dag-on.
Raya hay matapos nga ipahayag it DepEd nga graduate eon sa virtual ceremony ro mga eskwelahan nga una sa mga lugar nga ginpaidaeom sa Alert Level 1 ag 2.
Buot hambaeon kara hay ginapasugtan eon sanda nga magpatigayun it tradisyunal nga face-to-face graduation march ag ceremony basta nga may pahanugot halin sa mga ginikanan ag lokal nga gobyerno.
Samtang, magapabilin man nga virtual ceremony ro igapatigayun sa mga eskwelahan nga una sa mga lugar nga ginpaidaeom sa Alert 3, 4 ag 5.
Gintaw-an it punto ni DepEd Assistant Secretary for Curriculum and Instruction Alma Torio, ro strikto nga pagsunod sa DepEd Order No. 48 Series of 2018 ukon ro pagbawae sa Electioneering ag Partisan Political Activity.
