-- ADVERTISEMENT --
KALIBO, Aklan–Ginpasiguro ni dating New Washington Sangguniang Bayan member Jessica Regenio-Panambo nga magiging prayoridad nana ro economic development sa andang banwa para maka-kriar it maabu nga oportunidad sa mga pumueoyo.
Pahayag raya ni Panambo matapos nga magpanguna sa partial and unofficial nga resulta it botohan kontra kay incumbent New Washington Mayor Atty. Shimonette Peralta-Francisco sa ginhiwat nga May 9, 2022 elections.
Ginpasaeamatan man ni Panambo ro gintao kana nga suporta ag mainit nga pagbaton it mga pumueoyo.
Si Panambo hay nagserbi bilang miyembro it Sangguniang Bayan it New Washington halin 2010 hasta 2016.
