KALIBO, Aklan —- Owa it anumang pagbag-o sa gintaeana nga carrying capacity it gobyerno sa Isla it Boracay hasta nga matapos ro dag-on .
Raya ro naging desisyon it Boracay Inter-Agency Task Force (BIATF) kasunod it panawagan it mga negosyante.
Nauna kara, ginpahayag it lokal nga gobyerno it Aklan nga paga-limitahan nanda ro pagpaguwa it QR codes sa oras nga maabot eon ro gintaeana nga numero it mga turista.
Ginapaguwa ro QR codes matapos nga makompleto it sangka turista ro mga requirements, kaibahan ro confirmed hotel reservations ag COVID-19 vaccination certificates ukon negatibong swab test results.
Nagpanindugan si Interior Undersecretary Epimaco Densing III nga ro carrying capacity it Boracay hay dapat nga kapin sa 19,215 nga turista eamang, apang pagatun-an sigon it ahensiya sa masunod nga dag-on kun posible pang madugangan raya .
