Nagakinahangean ro Panay Island it indi magnaba sa 150 megawatts nga dugang nga baseload capacity para mabawasan ro peligro it pauman-uman nga brownout ag gulpihang kakueangan sa suplay it kuryente.
Suno sa National Grid Corporation of the Philippines ukon NGCP, nagapabilin nga kritikal ro sitwasyon it suplay sa Visayas bangud sa dueungan nga bukon it planadong pag-pundo it pilang power plants, kaibahan ro mga luma eon nga planta.
Bangud limitado ro reserbang kuryente, padayon nga nakakaeksperyensya it yellow ag red alerts ro Visayas grid nga posibleng mauli sa manual load dropping ukon rotational power interruptions sa pilang lugar, kaibahan ro Panay.
Sa pihak nga makabulig ro pagbalik-operasyon it mga offline nga planta, indi gihapon magiging bastante ro reserve agud makayanan ro gulpihang pagkaduea it sangka mabahoe nga generating facility.
Suno sa NGCP, posibleng umabot it kapin sa limang dag-on antes maging operational ro sangka bag-ong power plant, kaya importante ro timpranong pagplano para masolusyunan ro padayon nga pagtaas it demand sa kuryente.
Ginaeaumang kinahangean ro bastante nga dugang nga kapasidad ag reserve agud maging mas mapag-on ro suplay sa Visayas, nga target nga makuhit ro bastante nga supply pag-abot it 2031.
