Gin-imbitahan si Pangueong Ferdinand Marcos Jr. nga magtambong sa World Economic Forum sa Davos, Switzerland.
Ginpahayag it Office of the Press Secretary (OPS) nga ginhiwat it World Economic Forum founder ro imbitasyon sa sangka breakfast meeting kaibahan ro pangueo.
Ro pagtambong ni Marcos sa World Economic Forum hay magaserbing sangka manaming kahigayunan para ipasayod sa global business community may kaangtanan sa dynamism ag positibong pag-umwad nga natatabo sa Pilipinas sa handom nga maka-engganyo it mas maabong investors.
Ro World Economic Forum hay sangka non-profit foundation nga nagapakig-angot sa pampulitika, negosyo, kultura, ag iba pang mga lider it komunidad para bilugon ro mga global agenda.
Raya hay gintukod ko 1971 ag ro headquarter kara hay makit-an sa Geneva, Switzerland.
Samtang , suno sa nMalacañang ko nagtaliwan nga Biyernes nga magapatigayon si Marcos it state visit sa China sa unang parte it Enero.
Ginkumpirma it gobyerno it China ro Enero 3 hasta 5 ukon 6 nga iskedyul para sa state visit.
