Ginpasiguro ni Pangueong Ferdinand Marcos Jr nga dapat maayos eon ro dugang nga pension it mga beterano bilang kaparte it pagkilaea sa naging kontribusyon it mga raya para sa kahilwayan it nasyon.
Suno sa Pangueo kinahangean eon nga maghimo it tikang para ayuson ro pension it mga war veteran eabieon ag sangkiri eon lang ro nabilin nga mga beterano.
Maghalin sigon sa dating 5,000 makaron hay una eon lang sa masobra sang libo ro mga raya.
Gin-insister it Pangueo, nagakadapat eamang nga alagaan ro mga nabilin nga mga beteranong nakipagsukoe para sa kahilwayan it mga Pilipino.
Ginpahayag man it Philippine Veterans Affairs Office, nagapabilin nga sangka proposisyong laye ro additional pension it mga war veteran ag kapin sa 25 dag-on eon nga owa nagahueag.
Sa pihak nga parte , ginatun-an man makaron it gobyerno kung paano pabaskugon ro sistema sa pagtugyan it pension sa mga beterano.
Ginklaro man it Pangueo nga ro pension it world war 2 veteran hay bukon it kaibahan sa ginaduso nga MUP reform.
