Mainit nga ginsugaeaw it mga pinoy si Pangueong Ferdinand Bongbong Marcos, Jr. sa ginpatigayon karang meet and greet sa bahin it Zurich, Switzerland.
Raya hay kaparte sa aktibidad it presidente sa Davos, Switzerland mag-eowas sa pag-atendir nana sa World Economic Forum.
Kung siin gintaw-an it haega it Pangueo ro sakripisyo it mga pinoy nga presenteng nagatrabaho sa nasambit nga nasyon.
Bukon eamang sigon it andang pamilya ro nabubuligan nanda sa kada remittances nga ginapadaea apang pati man ro ekonomiya it nasyon.
Mabahoe sigon ro bulig it kada remittances eabi eon kung sa peligrosong sitwasyon ro ekonomiya it nasyon.
Sa pihak nga parte, ginpakigbahin man it pangueo ro naging aktibidad kara sa World Economic Forum nga sa bulig sigon it mga pinoy nga presenteng nagatrabaho sa nagakaeain-eain nga nasyon hay naging manami ro imahe it Pilipinas.
Samtang, ginpasiguro man it pangueo nga sa idaeom it Department of migrant workers hay pagatatapon kara ro problema nga ginapaabot it kada OFW ag insigida man nga pagabuligan.
