Pangueong Duterte, gin-insister nga indi paghueagon ro nabilin nga pondo sa Bayanihan Act bilang preparasyon sa posibleng COVID-19 surge

Ginabakabeak makaron it gobyerno ro uman nga COVID-19 surge sa Pilipinas bangud sa mga bag-ong variant nga nadiskubre sa pilang parte it Asya partikular sa Hong Kong ag South Korea.

Ginpahayag ni Pangueong Rodrigo Duterte nga raya ro rason kung ham-an owa ginagamit ro nabilin nga pondo sa ibang gaeastusan.

Nasayuran nga naga-abot pa sa P4.9 billion ro nabilin sa Bayanihan Act.

Raya hay sa pihak it panawagan it pilang grupo nga gamiton ro kwarta bilang pang ayuda sa mga pumueoyo nga naapektuhan it sunod-sunod nga fuel increase.

Gin-insister it pangueo nga kinahang-ean i-reserve ro nasambit nga pondo sa uman nga pagtaas it kaso it COVID-19 sa nasyon.