Nagpangayo it pasaylo si Outgoing President Rodrigo Duterte sa pagpasugot sa operasyon it e-sabong sa nasyon.
Ginpahayag it Pangueo nga owa imaw ga huna-huna nga raya ro madangatan it mga pinoy sa paghampang kara nga kung siin nagtuga it adiksyon nga makabig nga kapareho sa kaso it iligal nga droga.
Suno pa sa Pangueo nga ulihi eon nana nataeopangdan nga posibleng malulong ro mga Pilipino sa nasambit nga sugae bangud bukon man sigon imaw it sugaroe.
Gusto eamang kunta nana nga makabilog it dugang nga income para sa gobyerno maghalin sa e-sabong taxes sa tunga it ginapangatubang nga Covid-19 crisis.
Sa pihak nga parte, madumduman nga ku nagtaliwan nga buean it Mayo hay nagpaguwa it mandato ro Pangueo sa insigida nga pagpapundo it tanan nga operasyon sa bilog nga nasyon it e-sabong pagkatapos nga mataeopangdan ro daea nga halit kara sa mga pomoeuyo partikular sa mga pamilya it manughampang.
