Pangueong Duterte, uman nga gin-insister ro indi pagpasilabot sa kinagamo sa tunga it Russia ag Ukraine

Uman nga nagpanindugan si Pangueong Rodrigo Duterte nga indi imaw magpasilabot sa nagapadayun nga kinagamo sa tunga it Ukraine ag Russia.

Suno kana, samtang imaw hay nakapungko sa pwesto, indi imaw magpadaea it mga Pilipinong soldado sa Ukraine.

Raya hay maskin pa nga hinyuon it Estados Unidos.

Pag-eksplikar it Pangueo, posibleng mag-spillover ro giyera kung magapadaea imaw it soldado sa Ukraine.

Ginpunto pa kara ro ginpahayag it mga scientist nga magiging katapusan eon it kalibutan kung maggamit it nuclear ro mga naga-away nga nasyon.

Mabahoe sigon ro magiging epekto kara sa mahaba nga tyempo ag posibleng magtuga it kapigaduhon ag pagkagutom.