Nagpromisa si Pangueong Ferdinand “Bongbong” Marcos Jr. nga pabaskugon pa ro partnership sa mga nasyong naga-host it mga Overseas Filipino worker ukon OFWs.
Ginpahayag it Pangueo nga pagasiguraduhon it national government ro proteksyon it mga OFW ag andang mga pamilya sa Pilipinas bilang pamaagi it pagkilaea sa andang mga kontribusyon sa nasyon.
Padayon sigon nanda nga pabaskugon pa ro relasyon sa mga opisyal it host country.
Nauna eon nga nakipagpueong si Marcos sa diplomatic corps para sa tradisyonal nga vin d’honneur nga ginhiwat sa Malacañang.
Ginpahayag dugang man it Pangueo nga ro pambansang gobyerno hay magatao it scholarship ag pabaeay sa mga pamilya it mga OFW.
Dugang pa kara nga pagatinguhaon pa it gobyerno nga magtukod it sangka mapag-on nga ekonomiya para ma-engganyo ro mga dumueuong ag kaparehong Pilipino nga mag-istar ag trabaho sa Pilipinas.
Madumduman nga ro nagtaliwan nga administrasyon hay naghandom man nga daehon ro nasyon sa pagiging upper-middle income sa 2020, apang ro ekonomiya hay naghina bangud sa pandemya it COVID-19.
Sa idaeom it na-update nga mga sueundanan it World Bank, ro sangka upper middle-income nga ekonomiya ukon nasyon hay may gross national income (GNI) per capita nga kapin sa tunga it $4,046 ag $12,535.
Samtang, ko 2019, ro Pilipinas hay ginkategorya bilang sangka lower-middle-income country nga may GNI per capita nga kain sa tunga it $1,006 ag $3,955.
