Gindeklara ni Pangueong Ferdinand Marcos Jr. makaron nga adlaw it Biyernes bilang regular holiday.
Raya hay bilang pakikigbahin sa selebrasyon it Eid’l-Fitr it mga Muslim.
Raya hay tanda sa pagtapos it Ramadan ukon ro andang sang buean nga pagpuasa.
Suno kay Satar Kasanguan, sangka Imam sa kalye Ugyunan nga ro nasambit nga selebrasyon hay nagakaangkon it katangi-tanging kahueugan ag diwa sa Islam.
Raya man ro tyempo para kanda nga magdugang it mayad nga mga hinimuan ag para magpadayon sa pagsunod kay Allah nga ginakabig nanda nga Diyos.
Ginpahayag dugang nga ro Eid hay uwa nagapatak sa sangka petsa it kalendaryong Gregoryan kon sa siin nagabag-o bag-o raya sandig man sa Islamikong kalendaryong lunar.
Ginakabig man sigon raya nga kapistahan kon sa siin ro mga tawo hay nagapahaom it mga nagkaeain-eain nga pagkaon nga pagasaeohan it tanan.
