Ginatumod eon it gobyerno ro mga nagapangunang rason sa mas pa nga pagdasig it pagtaas it presyo it mga baeak-eon ag serbisyo.
Nauna kara, ginpahayag it Philippine Statistics Authority (PSA) nga nagsaka pa sa 8% ro inflation rate ko Nobyembre, mas mataas kumpara sa 7.7% percent ko Oktubre.
Suno kay Pangueong Marcos nga ro padayun nga pagdasig it inflation ro naka-delay sa pag-arangkada it ekonomiya it nasyon.
Bangud kara, kinahangean sigon nga makita kun anu-anong areas of concern ro dapat nga masabat agud nga mapugngan ukon mapahinay ro inflation.
Aminado ro pangueo nga out of control ro inflation.
Sa pihak kara, kumpiyansa man ro pangueo nga una sa tamang direksyon ro nasyon agud nga mapabilin ro pagbangon it ekonomiya.
Ginhalimbawa it pangueo ro mga senyales ukon indicators kara, kapareho it mabaskog nga growth rate, mas mabakod nga foreign exchange kumpara sa ibang mga currency ag reasonable nga employment rate.
