Gin-engganyo ni Pangueong Ferdinand Marcos Jr. ro mga maalwan ag maeagkuan nga nasyon nga padayon nga alalayan ro mga maintok nga nasyon eabi eon gid sa tyempo makaron it pandemya.
Kinahangean sigon nga magbueuligan ro kada nasyon ag maka-angkon it patas nga pagtrato, bukon eamang it ro mga maeagkuan ag maalwan nga nasyon ro pirme nga nauuna ag ro mga maiintok nga nasyon hay pirmeng naaywan partikular sa pag-angkon it kada nasyon it bakuna kontra sa COVID-19.
Ginpaabot man it Pangueo sa anang naging diskurso may kaangtan sa pag-eapnaag it teknolohiya nga kung siin dapat sigon nga tutukan raya it gobyerno bangud nagaserbi rayang mabahoe nga bulig sa komunidad apang may tyansa man nga maging rason it kasamaran it political ag social order.
Sa pihak nga parte, gintaw-an man it punto it Pangueo angot sa economic recovery, food security, agricultural productivity, climate change ag iba pang nagakaeain-eain nga mga importanteng isyu.
Samtang,dugang pa it Pangueo nga padayon nga maging kaalyado it Pilipinas ro tanan nga nasyon ag owa it pagatrataron nga kaaway.
