Diretsahan nga ginpahayag ni Pangueong Ferdinand Marcos Jr. nga owa it punto para sa Pilipinas nga magtukod it armory.
Gin-insister it pangueo nga bukon it perming sabat sa mga isyu ro ‘military solution’.
Raya ro naging sabat it president sa pangutana ni World Economic Forum (WEF) President Borge Brende sa Davos, Switzerland kung gina-konsidera kara nga doblehon ro defense budget it nasyon kapareho it ginhimo it Japan.
Nasayuran nga ginpasaka it Japan ro defense spending kara sa 2% it gross domestic product (GDP) sa sueod it limang dag-on.
Dugang pa kara nga ro nasyon hay owa sa “economic situation” agud nga makapatindog it armory.
Ro paggamit sigon sa militaristic solutions hay “magatuga it maeain nga epekto para sa tanan nga imbolbado ag maskin sa mga owa naeakot” kapareho sa natabo sa giyera sa tunga it Russia ag Ukraine nga nakaapekto saibang nasyon kaeakip ro Pilipinas.
