Ginpirmahan ni Pangueong Ferdinand Marcos Jr. ro Basic Education Mental Health and Well-being Promotion Act nga tuyong himuon nga institusyon ro mental health ag well-being program para sa basic education learners kamana man sa teaching ag non-teaching personnel sa pampubliko ag pribadong mga eskwelahan.
Sa nasambit nga laye, makaangkon it serbisyo para sa mental health, emotional developmental ag preventive interventions ag iba pang support services agud maduea ro stigma ukon saea nga impresyon sa mental health counselling.
Gusto man masiguro it bag-ong laye nga ro mga estudyante ag mga manugturo hay emotionally ag mentally “equipped to excel” sa tunga it mga bag-ong hangkat sa kabuhi.
Mag-eowas kara, gintaeana man ro pagtukod it bag-ong plantilla positions para sa school counselors.
