Gin-aprubahan ni Pangueong Ferdinand Marcos Jr. ro rekomendasyon it Department of Social Welfare and Development nga taasan ro cash grant sa mga benepisyaryo it Pantawid Pamilyang Pilipino Program (4Ps).
Ginhimo it presidente ro pag apruba sa ginpatigayon nga sectoral meeting kaibahan ro DSWD ag National Economic Development Authority ag iba pang natungdan nga ahensya sa Malakanyang.
Mag-eowas kara, gin-aprubahan man ni Pangueong Marcos ro expansion it programa kon sa siin igaeakip eon ro mga nabdos ag nagapasusong ina sa 4Ps.
Kadungan kara, ginmanduan it Presidente ro DSWD ag NEDA nga isapinal ro mga numero para insigidang maipatuman ro mas mataas nga 4Ps grant.
Madumduman sa naunang pueong ko Pebrero angot sa proposisyong mga reporma sa 4Ps, ginrekomenda it DSWD nga dugangan ro haega it 4Ps grant ag mataw-an man it cash grant ro First 1,000 Days (F1KD) it mga onga.
