Ginapasiguro ni Pangueong Ferdinand Marcos Jr. sa Department of Trade and Industry (DTI) nga uwa it nagapamentaha sa presyo it school supplies angot sa naga hilapit nga pagsueod sa klase it mga estudyante.
Suno kay Palace Press Officer USec. Claire Castro nga gusto it presidente masiguro nga nagabase sa tamang presyo ro kinahang-eanon it mga estudyante sa pagbukas it klase ag mabantayan ro presyo sa mga merkado agud nga inde malisdan ro mga kubos nga pamilyang Pilipino.
Bangud kara, ginmanduan it presidente ro DTI nga siguraduhon nga nagabase ro mga school supplies sa tamang presyo.
Bilang sabat sa direktiba it Presidente, personal nga naglibot si DTI Secretary Cristina Roque sa mga maeagkuan nga baligyaan kaparehas it Divisoria para sayuron ro presyo it school supplies.
Suno pa kay Castro, nagpaguwa eon man it price guide ro DTI para makaangkon it giya ro mga ginikanan sa tamang presyo it school supplies makaron nga nagahilapit eon ro pagbukas it klase.
