Ginmandu ni Pangueong Ferdinand Marcos Jr. sa mga government agencies nga umpisahan eon ro clean-up operation bangud sa nag-eontad nga oil spill sa Oriental Mindoro ag ginpasiguro nga pagataw-an it bulig ro mga apektadong komunidad sa pamaagi it cash-for-work program.
Nagpasaeamat man ro Pangueo sa nasyong Japan nga nagpadaea it bulig para sabton ro problema sa oil spill ag maging ro mga private corporations nga nagpadaea eonman it andang mga equipment
Nasayuran eon man it mga otoridad ro lokasyon it eumubog nga tanker.
Sa makaron, ginabantayan it gobyerno ro mga fishing sanctuaries ag tourist areas para insigidang makapatigayon it clean-up drive.
Ginpahayag dugang it Pangueo, nga samtang indi pa makapangisda ro mga lokal nga residente, ita-tap ro andang serbisyo sa pamaagi it cash- for-work program sa clean-up drive para may una sandang pangabuhian.
Nagaeaom ro pangueo nga ma-contain ro oil spill para magbalik eon sa normal ro pagpangabuhi ag kondisyon it mga apektadong komunidad.
