Ginmandu ni Pangueong Ferdinand Marcos Jr. ro konstruksiyon it fish ports sa 11 coastal provinces sa nasyon para masabat ro mga hangkat nga ginapangatubang it mga mangingisdang Pilipino.
Ginhimu it punong ehekutibo ro nasambit nga direktiba kasunod it sectoral meeting sa Malacanang kahapon.
Ginmanduan man it Pangueo ro concerned government agencies nga iprayoridad ro nasambit nga konstruksiyon para mapataas ro kapasidad ag mabuligan nga maging mabakod ro mga mangingisda sa pag-atubang sa mga magaabot nga hangkat.
Dugang pa gid it Pangueo ro rehabilitasyon it 20 identified municipal fish ports nga gintumod bilang traditional landing ports sa nasyon.
Ro nasambit nga mga tikang hay tuyong mapanaba ro post-harvest losses ukon pagkalugi sa pamaagi it pagtukod man it mga cold storage facilities sa mga fish ports sa bilog nga nasyon.
Kasunod kara, ginmanduan man ro mga ahensiya nga magtao it ice-making machines ag maid-id nga pag-giya para sa mga maintok nga mangingisda ag magpanupod it mga equipment.
Sa makaron, nasayuran nga ro nagapangunang problema nga ginapangatubang it mga mangingisda hay ro pagsangkiri it dawi nga isda, mataas nga poverty incidence ag post harvest losses nga presenteng una eon sa 25 hasta 40%.
Pila man sa mga ginpresentang stratehiya it Pangueo para mapataas ro produksiyon it isda hay sa pamaagi it pagpabaskog it aquaculture it 10% kada dag-on sa sueod it an-um nga dag-on para makabulig sa seguridad it pagkaon sa nasyon.
