KALIBO, Aklan—Pormal eon nga ginpirmahan ag ginpalig-on ni Pangueong Ferdinand Marcos Jr., ro 2024 General Appropriations Act (GAA) nga nagabalor it P5.768 trillion sa ginpatigayon nga seremonya sa palasyo it Malacañang.
Ro 2024 GAA hay naka angkla sa framework nga nakasueod sa Fiscal Year (FY) 2024 National Expenditure Program (NEP) nga nakatutok sa pag-angkon it economic goals nga gintumod sa Medium-Term Fiscal Framework (MTFF) it administrasyon ag ro Eight-Point Socioeconomic Agenda nga nakasueod sa Philippine Development Plan (PDP) 2023-2028.
Prayoridad kara ro mga bagay sa paggastos nga nagaduso sa pang-ekonomiya sa pinaagi it mga programang nagataguyod it seguridad sa pagkaon, pagbawas it mga gastos sa transportasyon ag logistik, pinabaskog nga sistema it ikaayong, proteksyong pangkomunidad, maayos nga pagdumaea sa kwarta ag kamayad sa burukrasya.
