Ginpangunahan ni Pangueong Ferdinand Marcos Jr., ro pagbuhi it uman sa Jones Bridge nga tuyo nga paumwaron ro kasaysayan, kultura ag pangabuhian sa Binondo sa Maynila.
Kaibahan it Presidente si First Lady Marie Louise “Liza” Araneta-Marcos nga ginpangunahan ro ceremonial lighting it iconic Jones Bridge.
Raya hay kaparte it pagselebrar it ika -50th anniversary sa diplomatic relations sa tunga it Pilipinas ag China.
Suno kay Pangueong Marcos, ro nasambit nga proyekto hay kaparte it Chinatown Revitalization Project nga nagatuyo nga himuon nga mas eowas, mas bukas ag mas maumwad ro makasaysayang distrito para sa mga pamilya, trabahante, estudyante ag masiot nga negosyo.
Ginpabugae man it presidente nga makit-an eon it publiko ro domingguhan nga lights and sounds show sa iconic Jones Bridge.
Naging madinaeag-on ro nasambit nga proyekto sa pinaagi it fundraising initiative it Federation of Filipino Chinese Chambers of Commerce and Industry, Inc. (FFCCCII).
Ginpahayag dugang it presidente nga kaparte raya it anang handom nga maibalik ro historic districts.
Gin-engganyo man nana ro publiko partikular ro mga pamatan-on nga bisitahon ro Binondo para andang maeksperyensyahan ro kultura ag economic activities sa nasambit nga lugar.
