Ginpasiguro ni Pangueong Ferdinand Marcos Jr. sa linyada it Armed Forces of the Philippines (AFP) nga kaibahan sa prayoridad it anang Administrasyon ro masigurong una sa maayos ro kahimtangan ag kapakanan it mga soldado.
Suno sa Presidente, siguraduhon nana nga maitao sa kasoldadohan ro andang kinahang-eanon eabi eon ag may kaangtanan sa pangkabilugang ikaayong eawas ag kamayad agud epektibong maobligahan ro andang mga obligasyon.
Ginhimo it Punong Ehekutibo ro pahayag sa tunga it pagkilaea sa uwa it tupong nga dedikasyon nga ginatao it mga soldado para sa banwa.
Kaibahan sa mensahe it Presidente ro kagustuhan para sa mas malig-on nga Armed Forces of the Philippines kaeakip ro Philippine Air force nga magaserbeng malig-on nga pundasyon sa national defense.
Gin-engganyo man it presidente ro kada isaea nga magbuylog bukon eamang it para sa handom nga kalinungan kundi maging sa mas progresibong paaeabuton.
