Handom ni Pangueong Ferdinand Marcos Jr., nga uwa eon it Filipino ro gutom rason nga hinyo nana ro whole-of-nation approach para solusyunan ro nasambit nga problema.
Ro pahayag it presidente hay kasunod it ginpatigayon nga ” Walang Gutom Awards” para sa mga local government units nga may tumaeagsahong tikang para solusyunan ro problema sa gutom sa andang mga komunidad.
Suno kana, dapat magtingob pwersa it gobyerno, private sector, non-profit organizations ag maging ro international community para solusyunan ro problema sa kagutuman.
Ro Walang Gutom Award hay ginpangunahan it Department of Social Welfare and Development (DSWD) ag Galing Pook Foundation kon sa siin 17 LGUs ro ginpasidunggan bilang best performing Local Government Units (LGUs) sa pagsukoe sa gutom ag malnutrition.
Gin-insister it Presidente nga mabahoe nga bagay ro mga tikang it LGUs sa national government nga tuyong tuldukan ro gutom sa nasyon kapin eon sa vulnerable sector.
Madumduman nga ginpirmahan ni Pangueong Marcos Jr. ko nagtaliwan nga dag-on ro Executive Order No. 44 ukon ro Walang Gutom 2027: The Food Stamp Program bilang sambilog sa flagship programs it Marcos Jr., administration.
