Owa it problema kay Pangueong Ferdinand Marcos Jr. nga makig-istorya kay Ukrainian president Volodymyr Zelensky.
Ginkumpirma it pangueo nga nabaton nanda ro rayang abisong apang owa pa nataw-an it kahigayunan nga maitaeana ro pagpueong.
Nakibot eon lang sigon sanda nga gin-anunsiyo it special envoy it Ukraine sa Malaysia at ginpahayag nga owa nagasabat ro gobyerno it pilipinas.
Sa pihak kara , ginpahayag it pangueo nga nagapabilin nga sa panig it katawhayan ro posisyon it pilipinas sa isyu ngara.
Haom sigon nga itao it Pilipinas ro pahayag it suporta para sa Ukraine kung raya sigon ro sa tan-aw ni Zelensky ro kinahangean kara.
Apang kung pagakutan-on sigon imaw hay ro pagsuporta sa 10-point peace formula nga suhesiyon ni Zelensky para tapnaon ro kinagamu sa Ukraine, indi sigon dapat kara mag-intra ro gobyerno it pilipinas.
