Nagakabaeaka si Pangueong Ferdinand Marcos Jr. sa mga insidente it pagpamaril sa mga eskwelahan kon sa siin imbolbado ro mga pamatan-on rason nga nagpanawagan ro Presidente sa mga ginikanan, manugturo, gobyerno ag iba pang sektor it komunidad nga magbuligan agud masiguro ro kaeowasan ag kapakanan it mga pamantan-on.
Sa pagbisita ni Pangueong Marcos Jr. sa Patul Elementary School sa Santiago City, Isabela, gin-insister nana nga importanteng maging mapagmatyag ro mga ginikanan sa mga pagbag-o sa pag-inugali ag emosyon it andang mga onga, kaibahan ro grabeng kasubo ukon kaakig.
Ginpunto man nana nga bukon eamang it pagturo ro obligasyon it mga eskwelahan, kundi maging ro pag-amlig sa ikamayad nga eawas ag kaeowasan it mga estudyante.
Dugang pa it Presidente nga importante ro papel it mga ginikanan sa pagpamayad it sistema it edukasyon sa nasyon.
