NATIONAL News—Naghimo it kasaysayan si Pangueong Ferdinand Marcos Jr. bilang kauna-unahang presidente it Pilipinas nga personal nga ginsaksihan ro decommissioning it 400 illegal firearms nga nakumpiska sa Basilan nga nagasimbolo sa commitment it gobyerno ag tanan nga stakeholders para sa pag-angkon it kalinungan sa nasambit nga probinsiya.
Ginsambit it presidente nga maskin simple eamang ro mga ginahimo nga seremoniya, raya hay simbolo it importanteng adlaw bangud nga testament raya sa commitment it tanan nga mga stakeholder para sa kalinungan.
Dugang pa kara nga imaw ro kauna-unahang presidente nga nag-adto sa Basilan bangud nga raya hay ground zero sa tyempo it engkwentro rason nga sambilog raya sa klarong landmark sa progreso nga ginahimo sa pagpanumbalik it kalinungan sa katimugang parte it Pilipinas.
Samtang, bukon eon man it bag-o para kay Pangueong Marcos Jr. nga masaksihan ro decommissioning it nasambit nga illegal firearms.
Ginklaro nana nga may nagapadayon nga proseso para sa padayon nga decommissioning it mga armas sa idaeom it pagbueoligan it UN, European Union ag iba pang international organizations.
