Nagtambong si Pangueong Ferdinand R. Marcos Jr. sa ceremonial turnover it mga bag-ong C295 Medium Lift Aircraft ag Capability Demonstration Flight it FA-50PH nga ginpatigayon sa Clark Air Base sa Pampanga.
Opisyal nga ginturn over sa Philippine government ro C-295 Medium Lift Aircraft nga sambilog sa 3 units nga ginbakae maghalin sa nasyong Spain sa pamaagi it Modernization Program it Armed Forces of the Philippines (AFP).
Ro twin-turboprop transport aircraft ro pinakabag-ong generation nga tactical airlifter sa light and medium segment nga pagagamiton sa nagkaeain-eain nga misyon kapareho it medical evacuation, paradrop/airdrop, civic and humanitarian airlift mission ag iba pa.
Ro nasambit nga C295 hay manufactured it Airbus Defence and Space.
Mabahoe nga bulig ro C295 sa misyon it PAF.
Sa naging diskurso it Pangueo, nagpahayag raya it anang pagpasaeamat sa nasyong Espanya sa andang bulig sa pagbakae it bag-ong C295 ag sa pagpabaskog it posisyon it nasyon sa patag it depensa.
Gintaw-an man it igtueupangod it Pangueo ro kahaegahan it pagsiguro sa kaeuwasan it mga assets it Air Force ag ro kapareo nga pag-ensayo it mga crew ag kawani para mapabilin nga eowas ro tanan.
Ginpagayag dugang pa it Pangueo ro promisa it anang administrasyon nga pagapadayunon ro pagpabaskog it kasarangang pangdepensa it nasyon
