All set eon ro sangka stakeholders meeting nga gintawag ni Pangueong Ferdinand Marcos Jr sa Lunes, Enero 30, 2023.
Suno Kay Presidential Communications Office Secretary Cheloy Garafil, kaibahan sa gina-eauman nga magatambong sa pagpueong ro mga importer, trader, retailer ag mga mangunguma nga gintaeana it Pangueo.
Kaibahan sa mga nagapangunang paga-istoryahan sa ginschedule nga meeting ro presyo it sibuyas sa merkado nga sandig man sa monitoring it Department of Agriculture hay nagahampang eamang sa 120 hasta 200 pesos ro presyo it imported nga sibuyas.
Mag-eowas sa presyo, gina-eauman nga paga-istoryahan man ro pilang isyu nga may kaangtanan sa sibuyas nga posibleng mabuksan Kay Pangueong Marcos.
Una eon kara ro pagpati it pilang ka mga mamalidha nga ro cartel ro nagapangunang sa likod sa mataas nga presyo it mga sibuyas sa nasyon samtang may mga mafia man sigon nga nagakontrol sa mga pantalan kapareho sa Subic kung siin may uan sigon nga 50 containers nga nagasueod it mga sibuyas nga ginadeliver it amat-amat
