Uwa eon naila patulan pa ni Pangueong Ferdinand Marcos Jr. ro mga patutsada ni dating Pangueong Rodrigo Duterte.
Sa ambush interview sa presidente sa anang pagpanupod it ayuda sa Laurel, Batangas para sa mga biktima it bagyong Kristine, ginpahayag kara nga ro dapat sigon istoryahan hay kon anu ro natabo sa probinsya it Batangas matapos ro pagpanaeasa it bagyong Kristine.
Ginpahayag it Presidente nga nakit-an ro kaeaparon it naging kasamaran sa imprastraktura nga andang gin-inspeksyon ag maging ro pangabuhian it mga residente idto nga naapektuhan it kalamidad.
Nauna eon nga ginpahayag ni dating pangueong Duterte nga inde imaw magpanukot it utang nga kabaeaslan sa pamilya Marcos bangud sa pagpaeobong sa Libingan ng mga Bayani kay dating Pangueong Ferdinand Marcos Sr.
Gin-insister ni Duterte, ginhimo eamang kara ro anang trabaho rason nga uwa it utang nga kabaeaslan kana ro mga Marcos ag uwa man imaw it utang nga kabaeaslan kanda.
