Gintawag ni Senator Christopher “Bong” Go nga rehashed accusation ro panibag-ong plunder case nga ginpasaka ni dating Senator Antonio Trillanes IV (4th) kontra kana ag kay dating Pangueong Rodrigo Duterte angot sa maanomalyang pagbakae it Philippine Navy frigate.
Suno kay Go, owa it bag-o sa gintawag nana nga “black propaganda” ni Trillanes nga indi eon dapat pang patulan bangud sa pag-uyang eamang raya it tiempo.
Gintumod ni Go nga mismong ro Senado kato sa idaeum it Senate Committee on National Defense nga ginapamunuan ni dating Senator Gringo Honasan ro nag-imbestiga sa isyu ag owa man it napamatud-an nga anomalya.
Ro mga dating opisyal sigon kato sa Department of National Defense (DND) ag Armed Forces of the Philippines (AFP) ro napamatud-an nga owa it kahilabtanan ag maskin kan-o hay owa imaw nagpasilabot sa Frigate Acquisition Project (FAP) it Philippine Navy.
Ginakabig ni Go nga destructive politics ro ginahimo ni Trillanes nga para eamang sa pamulitika.
