Uman nga gin-uyog it panibag-ong linog nga magnitude 5.5 ro Meiktila, Central Myanmar, dominggo it agahon suno sa U.S. Geological Survey.
Ro linog hay sambilog sa pinakamabaskog nga aftershock matapos ro 7.7 magnitude nga linog nga nailista sa nasyon ko Marso 28, nga nagresulta it grabeng halit ag pagkamatay.
Nagaabot eon sa 3,649 ro namatay ag masobra sa 5,000 ro naninahan bangud sa 7.7 magnitude nga linog.
Base sa Meteorological Department it Myanmar, natabo ro bag-ong linog sa banwa it Wundwin, maeapit eamang sa Mandalay, Myanmar.
Uwa man it naireport nga maeapnagong halit ukon dugang nga namatay sa bag-ong pag-uyog apang maabong residente ro nagbakwit bangud sa kabaskog it pag-uyog.
Nagakabaeaka mat-a ro United Nations nga magalala pa ro krisis sa ikamayad nga eawas ag pangabuhian sa Myanmar bangud sa mga halit daea it mga linog, sa tunga it padayon nga civil war ag masobra sa 3 milyong katawo eon sigon ro nagabakwit.
