BUSINESS News —- Gin-anunsiyo it Oil Industry Management Bureau it Department of Energy nga posibleng makaangkon it rollback sa presyo it produktong petrolyo sa masunod nga domingo .
Suno kay OIMB-DOE director Rino Abad, sa andang pagtantya hay posibleng umabot sa P1.50 hasta P1.80 ro bawas sa kada litro it gasolina, haeos P1.70 hasta daywang piso sa kada litro it diesel, samtang masobra sa piso man sa kada litro it kerosene.
Ginasugid nga sambilog sa mga factor nga nakaapekto sa pagnaba it presyo it produktong petrolyo ro pagdugang sa produksiyon it krudo it Organization of the Petroleum Exporting Countries.
Samtang, ginaeauman nga igapaguwa it mga oil company ro pinal nga presyo nga igabawas sa kada litro it produktong petrolyo makaron nga adlaw it Lunes.
