-- ADVERTISEMENT --
Ginkumpirma it Asian Development Bank (ADB) nga gin-aprubahan eon nanda ro panibag-ong utang it Pilipinas nga nagabalor it $400 million ukon katumabas it P20.9 billion.
Suno sa ADB, tuyo it bag-ong pautang nga makabulig sa domestic capital markets ag masuplayan ro long-term finance eabi eon para mapondohan ro mga programa sa imprastraktura.
Ginabuebanta nga may kakueangan pa ukon financing gap nga kapin sa P2 trillion hasta sa dag-on 2030.
Nag-eksplikar pa ro ADB, nga ro panibag-ong utang it Pilipinas hay para suportahan man ro recovery sa mga industriya nga grabeng tinamaan it pandemya.
Kaibahan kara ro mga micro, small, and medium-sized enterprises (MSMEs) nga ginakabig nga “backbone” it ekonomiya it Pilipinas.
-- ADVERTISEMENT --
