Ginkumpirma it Asian development bank ukon ADB nga gin aprubahan eon man nanda ro panibag-o eon man nga utang it pilipinas nga nagabalor it 400 milyon dollars ukon katumbas it 20.9 bilyon pesos.
Suno sa ADB tuyo it bag-ong pautang nga makabulig sa domestic capital markets ag ma-suplayan pa ro mga long term finance agud nga mapondohan ro mga programa sa imprastraktura.
Ginatantiya nga may kakueangan pa ukon financing gap nga kapin sa 2 trilyon pesos hasta sa dag-on 2030.
Nagpaathag pa ro Asian development bank nga ro panibag-ong utang it pilipinas hay agud nga masuportahan man ro recovery sa mga industriya nga grabeng naapektuhan it pandemya.
Kaibahan eon kara ro mga micro small and medium size enterprises nga ginakabig nga backbone it ekonomiya it pilipinas.
Nagapati man ro ADB nga makabulig raya sa pilipinas nga maplastar pa ro tamang environment agud nga maka engganyo it mga long term investors
