KALIBO, Aklan – – – Gintakawan it uwa pa natumod nga manakaw ro panimaeay it sangka businessman ag CEO it sangka radio station sa probinsya it Aklan.
Suno sa biktimang si Apolonio Zeraspi, nataeopangdan nga ginsueod eon sanda it manakaw bandang alas-3:00 it kaaganhon kon siin sa anang pag-usisa hay naduea eon ro anang relo nga nagabalor it 800,000 hasta 1 million pesos, 4,500 US dollars, daywang ka mga cellphone, cash nga masobra sa 100,000 pesos ag branded nga kalibre .45 nga baril.
Shock ag dismayado si Mr. Zeraspi matapos nga nakasueod ro manakaw sa anang kwarto sa pihak it naka-lock ro tanan nga pertahan, napalibutan it pader ag cctv camera’s ro anang panimaeay.
May kaangtanan kara, nag-apela imaw it bulig sa publiko sa may kasayuran sa identification it suspek.
Sa pihak nga parte, base sigon sa inisyal nga imbestigasyon it Kalibo PNP, sa likod nga bahin it baeay nag-agi ro suspek rason nga madasig raya nga nakaransak sa panimaeay.
Sa makaron padayon nga ginaimbestigahan ro insidente para sa pagkakilan-ean it nasambitang suspek pamaagi man sa pag-identify sa mga cctv footages.
