Ginpahayag it Presidential Anti-Organized Crime Commission (PAOCC) nga pila sa andang tawuhan ro nakabaton it death threats bangud sa andang imbestigasyon sa mga ilegal nga Philippine Offshore Gaming Operator (POGO) hubs.
Bangud kara, ginpahayag ni spokesperson Winston John Casio nga permi sandang naka-alerto sa anumang posibleng matabo.
Ro Presidential Anti-Organized Crime Commission ro una sa likod it pilang maeagkuang pag-aresto ko kan-o eamang sa mga Philippine Offshore Gaming Opeartors hub nga eakot sa kriminal nga hilimuon kaibahan eon ro mga una sa Bamban, Tarlac ag Porac, Pampanga.
Bangud sa nasambit nga mga operasyon, libu-libong Pilipino ag foreign nationals, kaeakip ro mga Tsino, Malaysians, ag Vietnamese, ro na-rescue nga pila sa mga raya hay biktima it torture ag kidnap.
Nauna eon nga ginpahayag it Presidential Anti-Organized Crime Commission nga kapin sa 300 ka mga Philippine Offshore Gaming Operators ro ilegal nga naga-operate sa nasyon nga uwa naila magsunod sa regulasyon it Philippine Amusement and Gaming Corporation (PAGCOR).
